تەقینەوەیەکی دیکە لەناو خۆپیشاندەرانی عێراقی رووی دا و قوربانی هەیە.
دوای ئەوەی شەوی رابردوو ئۆتۆمبێلێكی بۆمب رێژكراو لە گۆڕەپانی تەحریری بەغدا لە نێو خۆپیشاندەراندا تەقیەوە, كە بووە هۆی كوژران وبریندار وبوونی ژمارەیەك خۆپیشاندەر بە یانی ئەمڕۆش لە پارێوگای ناسریە تەقینەوەیەك لە نێو خێوەتێكی خۆپیشاندەراندا تەقیەوە, پەرلەمانی عێراق هۆشداری لە تێكچوونی دۆخەكە دەدات.
بە پێی زانیاری میدیاكانی عێراق تەقینەوەكەی ئەمڕۆ لەناو خێوەتێکی خۆپیشاندەرانی ناسریە لە باشووری عێراق رووی داوە و بووەتە هۆی برینداربوونی ژمارەیەک خۆپیشاندەر، کە یەکێکیان لە مەترسی دایە ئەمە لە كاتێكدایە بەهۆی تەقینەوەكەی شەوی رابردوو لە بەغدا سێ کەس بەهۆی تەقینەوەکەوە گیانیان لەدەست داوە و 16ـی دیکەش بریندار بوون.
لە بارەی تەقینەوەكە لێژنەی مافی مرۆڤ لە پەرلەمانی عێراق لە بەیاننامەیەکدا رایگەیاندووە كە، تەقینەوەکەی ناو خۆپیشاندرانی گۆڕەپانی تەحریر لە بەغدا پێشهاتێکی ترسناكە و سەلمێنرا کە لایەنی سێیەم (خۆپیشاندەران لایەنێک و حکوومەت لایەنێکی دیکە) خۆی خزاندووەتە ناو خۆپیشاندانەکان و هەوڵی تێکدانی زیاتری بارودۆخەکە دەدات.
