ئەمریکا : دابین کردنی ئەنتەرنێتی ئێرانیەکان لە بەرنامەمان دایە
لە دووای ئەوەی دەسەڵاتی ئێران بۆ رێگری لە پەرە ئەستاندنی خۆپیشاندانەکانی ئەم چەند رۆژەی ئێران و هەروەها ڕێگری لە بڵاوبوونەوەی هەواڵەکان بۆ جیهانی دەرەوە ئەنتەرنێتی زۆربەی شارەکانی وەستاند ، ئەمریکا بەڵێنی دەدات بۆ دابینکردنی ئەنتەرنێت بۆ ئێرانیەکان .
لەمبارەوە ریچارد گرینیل، باڵیۆزی ئه‌مه‌ریكا له ئه‌ڵمانیا گووتی ، ئەمریکا تەکنەلۆژیایەکی هێندە بەهێزی لەبەر دەستە بۆ دابین کردنی ئەنتەرنەتی ئێرانیەکان ، ڕەنگە لە خەیاڵی کەسدا نەگونجابێت ، بۆیە لەسەر ئەمریکا و ئەورووپا وەک ئەرکێکی سەرەکی دەبێت ئەژمار بکرێت .
