مستەفا هیجری روو لە رۆژهەڵات : بەشێوەیەکی نەرم و ئاشتیخوازانە ناڕەزایەتی دەربڕن
مستەفا هیجری لێپرسراوی گشتی حیزبی دیموکراتی کوردستانی ئێران ( حدکا ) بە بۆنەی دەستپێکی ناڕەزایەتی دەربڕینی خەڵکی ئێران و رۆژهەڵاتی کوردستان لە دژی کۆماری ئیسلامی ئێران پەیامێک بڵاو دەکاتەوە .
مستەفا هیجری لەو پەیامەدا لەبارەی خۆپێشاندانەكانی ئێران و رۆژهەڵاتی كوردستان رایگەیاند، پێویستە داواکاری و ناڕەزایەتی دەربڕینتان بە شێوەیەکی ئاشتیخوازانە و مانگرتنانە بێت و دوور بن لە توند و تیژی .
لێپرسراوی گشتی حیزبی دیموکراتی کوردستانی ئێران بە خۆپیشاندەرانی ئێران و رۆژهەڵاتی کوردستان دەڵێت، لە مانگرتن و رێپێوانەکانتان بەردەوام بن و ئاشتیخوازانە درێژە بە خەباتەکەتان بدەن.
هیجری لە بەشێک لە پەیامەکەیدا ئاماژە بەوە دەکات دەسەڵاتدارانی ئێرانی ماوەی چل ساڵە لە ئاست داواکاری و مافی ڕەوای ئێوە خۆیان لە نەبیستن داوە ، بەڵام ئێستا داوای ڕەوای خەڵکی ئێران بۆتە مانشێتی هەموو رۆژنامەکانی جیهان ، بۆیە سڵ مەکەن و شان بەشانی یەکتر بەردەوام بن لە ناڕەزایەتی دەربڕینەکان .
