پۆمپیۆ : ئەمریکا لێخۆشبوون بۆ دامەزراوەی فێردۆ درێژ ناکاتەوە
ویلایەتە یەکگرتووەکانی ئەمریکا ڕایگەیاند لێخۆشبون بۆ دامەزراوەی ئەتۆمی فێردۆ درێژ ناکاتەوە ، ئەو بڕیارە لە دوای ئەوە دەرچوو کە ئێران رایگەیاند پیتاندنی یۆرانیۆمی لە دامەزراوەی ئەتۆمی فێردۆی دەست پێکردۆتەوە .
مایک پۆمپیۆ وەزیری دەرەوەی ئەمریکا گووتی : ڕێژەی پیتاندنی یۆرانیوم بۆ حکومەتێکی تیرۆریستی وەکوو ئێران کە گەورەترین پاڵپشتی تیرۆریزمی جیهانیشە دەبێت سفر بێت .
دەستپێکردنەوەی پیتاندنی یۆرانیۆم لە لایەن ئێرانەوە لە کاتێکدا دەستی پێکردۆتەوە ، وڵاتانی ئەورووپایی لە هەوڵی ئەوە دان ڕێکەوتنی ئەتۆمی هەڵنەوەشێتەوە .
