کۆریای باشوور هاوکاری عێراق و هەرێمی کوردستان دەکات
وەک هاوکاری مرۆیی ، کۆریای باشوور ١٠ ملیۆن دۆلاری ئەمریکی هاوکاری عێراق و کوردستان دەکات
وەزیری ناوخۆی حکومەتی هەرێمی کوردستان لە تۆری کۆمەڵایەتی تویتەر دەنووسێت لە کۆبوونەوەیەکدا لە گەڵ ، چۆی کوانگ چین ، کۆنسوولی گشتی کۆریای باشووری لە هەولێر ، ڕەوشی ئاوارەکانیان تاوتوێ کردووە .
ڕێبەر ئەحمەد وەزیری ناوخۆی حکومەتی هەرێمی کوردستان هاوکات ئاماژە بەوە دەکات کۆنسولی کۆریای باشووری ئاشکرای کردووە ، وەک هاوکاری مرۆیی بڕی ١٠ ملیۆن دۆلار دەبەخشینە عێراق و هەرێمی کوردستان .
لەم کۆبوونەوەدا کۆنسوولی گشتی کۆریای باشووری ، رۆڵی هەرێمی کوردستانی لە حەوانەوەی ئاوارەکان بەرز نرخاندووە و ڕایدەگەێنێت هەرێم باشترین خزمەتگوزای مرۆیی پێشکەشی ئاوارەکان کردووە .
