بریکاری وەزیری بەرگری ئەمریکا لە لایەن سەرۆکی حکومەتی هەرێمی کوردستانەوە پێشوازی لێکرا
ئەمڕۆ مەسرور بارزانی سەرۆکی حکومەتی هەرێمی کوردستان بە شێوەی فەرمی پێشوازی لە ( جۆن روود ) بریکاری وەزیری بەرگری ئەمریکا و شاندی یاوەری کرد .
لەو دیدارەدا کە هاوکات بە ئامادەبوونی ڕێبەر ئەحمەد وەزیری ناوخۆ و شۆڕش ئیسماعیل وەزیری پێشمەرگە بەرێوە چوو ( جۆن روود ) گووتی ئێمە وەک دەسەڵاتی ئەمریکا پشتیوانی هەمیشەیی هەرێمی کوردستانین و سەردانی مایک پێنس جێگری سەرۆکی ویلایەتە یەکگرتووەکانی ئەمریکا دەرخەری ئەو راستییەیە .
لە بەشێکی تری قسەکانیدا بریکاری وەزیری بەرگری ئەمریکا گووتی بەردەوام دەبین لە یارمەتی دانی پێشمەرگە و بەلاشمانەوە هەماهەنگی هێزەکانی عێراقی و پێشمەرگە بۆ ڕێگری لە سەرهەڵدانەوەی داعش گرینگی تایبەتی هەیە .
سەرۆکی حکومەتی هەرێمی کوردستانیش لای خۆیەوە سوپاسی ئەمریکای کرد و گووتی ئێمەش دڵنیاتان دەکەینەوە کوردستان وەک هەمیشە پێگەیەک دەبێت بۆ سەقامگیری و ئاسایشی ناوچەیی .
