مام رۆستەم :پەیوەندیم بەسروە كردووە داوای روونكردنەوەم لێكردووە
خواكوڕك
پاش ئەو سوكایەتیانەی كە بەشێك لە بزوتنەوەی گۆڕان بە پێشمەرگە دەیكەن، ئەو حزبە دابەشی سەر دوو بەرە بوونە، هەندێكیان پشگیری دەكەن و هەندێكیشیان دژی وەستاونەتەوە، مام رۆشتەمیش لەسەر ئەو قسانەی سروە پەیوەندی پێوە كردووە و داوای روونكردنەوەی لێكردووە.
پاش قسەکانی سروە عەبدولواحید، پەرلەمانتاری گۆڕان لە میانی بەرنامەی (بە ڕاشکاوی)ی کەناڵی ئاسمانیی (دیجلە)ی سەر بە نووری مالیکی، لە کوردستاندا کاردانەوەیەکی بەهێز بەرامبەر بەو پەرلەمانتارە و بێڕێزیکردنەکانی پێشووتری بەرپرسانی گۆڕان بە پێشمەرگە و کەسوکاری شەهیدان دروست بوو، بەڵام بزووتنەوەی گۆڕان لەسەر پشتیوانیکردنی بۆچوونەکە و پەرلەمانتارانی بەردەوام بوو.
بەشێک لە هەڵسووڕاوانی گۆڕان، لە لێدوانەکانی سروە عەبدولواحید نیگەرانن و داوای ڕوونکردنەوەی لێ دەکەن. لەمبارەیەشەوە مام ڕۆستەم، هەڵسووڕاوی گۆڕان، بە ماڵپەری باس ڕاگەیاندووە: “پەیوەندیمان بە سروە عەبدولواحید، پەرلەمانتاری خۆمان کردووە، لەسەر پرسی ئەو قسانەی کردوویەتی، ئەو ڕوونکردنەوەی خۆی بە ئێمە ڕاگەیاندووە”. ئەوەشی ئاشکرا کرد کە لەسەر ئەو لێدوانانە ئاگادارمان کردووەتەوە.
