ئەمڕۆ ناسرییەی عێراق خەڵتانی خوێن کرا
لە بەردەوامی خۆپیشاندانەکانی عێراق ، ئەمڕۆ پێنج شەممە شاری ناسرییە ، خەڵتانی خوێن کرا و 13 لاوی عێراقی بوونە قوربانی دەسترێژی ڕاستەوخۆی هیزە ئەمنیەکانی عێراق .
سەرچاوەیەکی ئەمنی عێراق ڕایگەیاند سەرەڕای کوژرانی 13 کەس ، نزیکەی 50 کەسیتر بریندار بوون و هاتوچۆش لە ناوشاردا قەدەغە کراوە .
وەک تائێستا ئاشکرا کراوە ، خۆپیشاندەران بە دەستی ئەو یەکە تایبەتە کوژراون کە عادل عەبدولمەهدی بۆ حاڵەتی کوت و پڕ و ڕووداوە چاوەڕواننەکراوەکان دایمەزراندووە .
خۆپیشاندەرانیش بۆ ڕاگەیاندنەکان ئاشکرای دەکەن ، ئەو توندو تیژییەی هێزە ئەمنییەکان لە دوای ئەوەوە دەستی پیکردووە کە دوێنێ شەوێ کۆنسولخانەی ئێران لە شاری نەجەف بە دەستی خۆپیشاندەران سووتێندراوە .
