لە دوای نامەی دەست لە کارکێشانەوەی سەرۆک وەزیرانی عێراقیش ، خۆپیشاندانەکان هەروا بەردەوامن
هەواڵەکان لە عێراقەوە باس لەوە دەکەن سەرەڕای ئاراستە کردنی نامەی دەست لە کار کێشانەوەی عادل عەبدولمەهدی سەرۆک وەزیرانی عێراق لە دووای دوومانگ خۆپیشاندان ، تا ئیستاش ناڕازیانی عێراقی لە خۆپیشاندان بەردەوامن .
ئاژانسی رۆیتەرز رۆژی شەممە دەنووسێت ، ئالۆزی و خۆپیشاندانەکان تا ئێستاش لە شاری ( ناسریە ) بەردەوامە و تا کاتی بڵاو بوونەوەی ئەو هەواڵە دەیان کەسی تر بە دەستی هێزە ئەمنیەکانی عێراق کوژراون .
خۆپیشاندەران بە ئاگرتێبەردانی تایەی ئۆتۆمبێل ناوەندێکی پۆلیسیان خستۆتە گەمارۆی خۆیانەوە .
دەربڕینی ناڕەزایەتیەکان لە عێراق لە یەکەم رۆژەکانی مانگی ٩ دەستی پێکردووەو تا ئێستا لانیکەم ٤٠٨ خۆپیشاندەر بوونەتە قوربانی .
عادل عەبدولمەهدی لە دوای دوومانگ بەردەوامی خۆپیشاندانەکان ، رۆژی هەینی نامەی دەست لە کار کێشانەوەی خۆئی ئاراستەی پەرلەمان کرد .
