پۆمپیۆ : دژایەتی کۆماری ئیسلامی ئێران خاڵی هاوبەشی شۆڕشە جەمارەریەکانی رۆژهەڵاتی ناوەڕاستە
مایک پۆمپیۆ وەزیری دەرەوەی ئێران ڕایدەگەێنێت دژایەتی کردنی کۆماری ئیسلامی ئێران خاڵێکی هاوبەشی شۆڕشەجەماوەریەکانی رۆژهەڵاتی ناوەڕاستە وەک لوبنان و عێراق .
وەزیری دەرەوەی ئەمریکا بە ئاماژەدان بە دەست لەکار کێشانەوەی عادل عەبدولمەهدی سەرۆک وەزیرانی عێراق گوتی ، ئەوە ویستی ئازادی گەلی عێراقە ، بەڵام سەرچاوەکەی دەگەڕێتەوە بۆ هێژموونی سیاسەتی ئێران لە عێراقدا .
لە بەشێکی تری قسەکانیدا مایک پۆمپیۆ دەڵێت ، سەرهەڵدانی ئێرانیەکان لوبنان و عێراقیشی هێناوەتە لەرزین .
کاتێک باسی لوبنان دەکات ، ئاماژە بە ویستی مەسیحی و موسوڵمانەکان دەکات و دەڵێت بەبێ جیاوازی هەموویان داخوازی لە دەسەڵات لادانی حزبوڵلا دەکەن و دەیانەوێت دەستی ئێران لە وڵاتەکەیاندا ببڕنەوە .
لە کۆتاییدا باس لە شۆڕشە جەماوەریەکی ئێران دەکات و دەڵیت زیاتر لە 90 شار لە دژی مەلاکان ڕاپەریون ، ئەوەش ئەنجامی دزی و گەندەڵی دەسەڵاتدارانی ئێرانە کە خەڵکی وەزاڵە هێناوە ، بۆیەش لە هەر جێگەیەک داوای ئازادی بکرێت ئەمریکا پشتیوانی خۆی بۆ دەردەبڕێت .
