ڕەوتی حیکمە : دەرگای فیتنە لە نەجەف داخــرا
ئەحمەد جەمال یەکێ لە سەرکردەکانی ڕەوتی حیکمەی نیشتیمانیە بە سەرۆکایەتی عەمار حەکیم ئەمڕۆ سێ شەممە ڕایگەیاند کە دەرگای فیتنە لە پارێزگای نەجەف داخرا و ئارامی دەگەڕێتەوە بۆ شاری نەجەف لە دوای هاتنی هۆزە ڕەسەنە عێراقیەکان کە پابەندبوونیان بە ڕاسپاردەکانی مەرجەعی باڵا دووپات کردەوە
شایەنی باسە پارێزگای نەجەف لەچەند ڕۆژی ڕابردوو نائارامی و گرژی بەخۆوە بینی و بووە هۆی پێکدادان لە نێوان خۆپیشاندەران و پاسەوانانی مەزارگەی محەمەد باقر حەکیم و لە ئەنجام دا دەیان کەس بوونەتە قوربانی بەهۆی بەکارهێنانی چەك لەلایەن پاسەوانەکان بۆ بڵاوەپێکردنی خۆپیشاندەران
سەرچاوە : موازین نیوز
