باره‌گای بارزانی سه‌ره‌خۆشی له‌ بنه‌ماڵه‌ی خواڵخۆشبوو شێرزاد خانی شێرزادی ده‌كات

باره‌گای بارزانی له‌ پرسه‌ نامه‌یه‌كدا سه‌ره‌خۆشی ئاراسته‌ی بنه‌ماڵه‌ و جه‌ماوه‌ری گیلانی غه‌رب و كرماشان ده‌كات به‌ بۆنه‌ی كۆچی دوایی “شێرزادخانی شێرزادی” ئیلخان، كه‌سایه‌تیی ناوداری ده‌ڤه‌ری كرماشان و سه‌رۆكی عه‌شیره‌تی كه‌ڵهور.

ده‌قی پرسه‌ نامه‌كه‌:

به‌ناوی خودای به‌خشنده‌ و میهره‌بان

بۆ بنه‌ماڵه‌ی خوالێخۆشبوو شێرزادخانی شێرزادی

به‌داخ و په‌ژاره‌یه‌كی زۆره‌وه‌ هه‌واڵی كۆچی دوایی كه‌سایه‌تیی ناوداری ده‌ڤه‌ری كرماشان “شێرزادخانی شێرزادی” ئیلخان و سه‌رۆكی عه‌شیره‌تی “كه‌لهووڕ”ـمان پێ گه‌ییشت.

به‌م بۆنه‌ خه‌مناكه‌وه‌ سه‌ره‌خۆشی له‌ ئێوه‌ی به‌ڕێز جه‌ماوه‌ری گیلانی غه‌رب و كرماشان ده‌كه‌ین. سه‌بر و ئارامی بۆ هه‌موو لایه‌ك ده‌خوازین و جێگه‌ی خوالێخۆشبوویش به‌هه‌شتی به‌رین بێت.

انا لله‌ و انا الیه‌ راجعون

باره‌گای بارزانی

4ـی 12ـی 2019