هێزی پێشمەرگەی کوردستان هێرشێکی داعش تێک دەشکێنێت
![](https://xwakurk.com/wp-content/uploads/2019/08/68296966_490110401788144_2344933121482293248_n.jpg)
وهزارهتی پێشمهرگهی حكومهتی ههرێمی كوردستان، راگهیهندراوێكی له بارهی پهلامارهكهی ئهمشهوی داعش بڵاوكردهوه رایدهگهیهنێت، به توندی وهڵامی پهلامارێكی داعشمان دایهوه.
لە ڕاگەیەندراوێکدا کە لە لایەن وەزارەتی پێشمەرگەی هەرێمی کوردستانەوە بڵاو کراوەتەوە ، باس لە هێرشی ئەمشەوی هێزەکانی داعش و تێک شکانیان لە لایەن هێزی پێشمەرگەوە دەکات .
هێرشی داعش لە گوندی دەککەی میحوەری کوڵەجۆی سەر بە قەزای خانەقین بووە بۆ سەر لیوای ٣ .
بەداخەوە ژومارەیەک پێشمەرگە شەهید و بریندار بوون ، بەڵام توانداروە پەلاماردەرانی داعش تێک بشکێنن .
دهقی راگهیهندراوهكه:
“بەداخەوە، ئەمشەو تیرۆریستان و تاریکپەرستانی داعش، هێرشیان کردە سەر فەوجێکی لیوای سێی پیادەی هێزی پێشمەرگەی کوردستان لهسنوری كوڵهجۆ (میحوەری گەرمیان) هەر زوو لەلایەن هێزهكانی پێشمهرگه وەڵامدرانەوەو بەتوندی لێیان هاتوونهته دهست و راونران و پهلامارهكهیان تێكشكاندوه.
خەڵکی کوردستان دڵنیا دەکەینەوە هێزهكانی پێشمهرگه لهئامادهباشی تەواودایە بۆ پاراستنی خەڵک و خاکی کوردستان و لەناوبردنی تیرۆر و تیرۆریستان.
لەماوەی رابردوودا، چەندین جار هۆشداریمان داوە لەسەر گەشەسەندن و سەرهەڵدانەوەی داعش لەچەندین ناوچەی جیاوازەوە، ئەو رووداوانەی ئێستاش پشتڕاستی هۆشدارییەکانی ئێمەی کردەوە، کە بەرای گشتیی و هاوپەیمانانمان دابوو.
لێرەوە، داوا لە هاوپەیمانان دەکەین، کۆمەک و پشتگیری و هەماهەنگیان لەگەڵ وەزارەت و هێزەکانی پێشمەرگە زیاترو چڕتربکەنەوە. بۆ ئەوەی رێگە لەپەرەسەندن و تەشەنکردنی ئەو هێزە تیرۆریستیە بگیرێت.
وەزارەتی پێشمەرگەی حکومەتی هەرێمی کوردستان”