راگه‌یاندنی ئه‌منی عێراق زانیاری له باره‌ی هێرشی سه‌ر بنكه‌یه‌كی ئه‌مه‌ریكی بڵاوكرده‌وه
شانه‌ی راگه‌یاندنی ئه‌منی عێراق راگه‌یه‌ندراوێكی له باره‌ی به ئامانجگرتنی هێزه‌كانی ئه‌مه‌ریكا له بنكه‌ی ئاسمانی “به‌له‌د” بڵاوكرده‌وه.
له راگه‌یه‌ندراوه‌كه‌دا هاتووه: “دوو مووشه‌كی كاتیوشا ئاراسته‌ی بنكه‌ی ئاسمانی به‌له‌د كراوون”.
شانەی راگەیاندنی ئەمنی، کە لەژێر سەرکردایەتیی فەرماندەیی ئۆپەراسیۆنە هاوبەشە سەربازی و ئەمنییەکانی عێراق کار دەکات، تۆپبارانکردنی بنکەی سەربازیی بەلەدی پشتڕاست کردووەتەوە.
شەوی پێنج شەممە 5-12-2019، بەشێک لە میدیا عێراقییەکان هەواڵی تۆپبارانکردنی بنکەی سەربازیی بەلەدیان بە سێ مووشەک، بڵاو کردەوە.
بنکەی سەربازیی ئاسمانیی بەلەد (پێشتر ناوی بنکەی سەربازیی بەکر بوو) کەوتووەتە پارێزگای سەڵاحەدین و دووریی 64 کیلۆمەتر لە باکووری بەغدا، بنکەیەکی سەربازیی ئاسمانیی عێراقییە و لە ساڵانی 80ـاکانی سەدەی رابردوو دروست کراوە. ئێستا سوپای ئەمریکا ئەو بنکەیەی کردووەتە بنکەیەکی سەرەکیی هێزەکانیان لە عێراق.
