وەزارەتی خوێندنی باڵا چەكی پارەی بەشێك لە قوتابیانی تواناسازی دەدات
خواكوڕك
وەزارەتی خوێندنی باڵاو توێژینەوەی زانستی هەرێم، لە راگەێندراوێكیدا لیستێكی تری چەكی پارەی قوتابیانی تواناسازی ڕاگەیاند و ڕۆژی یەكشەممەی داهاتووش خوێندكارەكان دەتوانن چەكی پارەكە وەربگرن.
وەزارەتی خوێندنی باڵا لە راگەێندراوەكەیدا ئاماژەی بۆ ئەوە كردوە، ئەو كەسانەی ناویان لە لیستەكەدا هاتووە (٥٤) خوێندكارن و ڕۆژی یەكشەممە (١٨ی١٢ی٢٠١٦) كاتژمێر (١٠)ی سەرلەبەیانی خۆیان یان بریكارەكانیان سەردانی دیوانی وەزارەتی خوێندنی باڵا بكەن بۆ وەرگرتنی چەكی شایستە داراییەكانیان.
هەروەها وەزارەتی خوێندنی باڵا دەشڵێت ڕۆژی ٢٩ ی ئەم مانگە دواكات دەبێت بۆ وەرگرتنی چەكی پارەكانیان.
كلیل لێرە بكە بۆ بینینی ناوەكان.
چەند تێبینییەكی وەزارەتی خوێنی باڵا بۆقوتابیانی تواناسازی..
١- خوێندكار ئەگەر خۆی سەردانی وەزارەت دەكات بۆ وەرگرتنی شایستە داراییەكانی پێویستە وێنەیەكی ڕەنگاوڕەنگ لە پاسەپۆرتی خۆی بهێنێت.
٢- بریكار (وەكیل)ی خوێندكار پێویستە وێنەیەكی ڕەنگاوڕەنگی بریكارنامە (وەكالەی گشتی) بڕواپێكراو بێت و ساڵی (٢٠١٦) بۆی (مصدق) كرابێت، لەهەمان كاتدا پێویستە بڕیكار وێنەیەكی ڕەنگاوڕەنگ لە ناسنامەی باری شارستانی، یان ڕەگەزنامەی ئێراقی لەگەڵ خۆیدا بهێنێت.
٣- پێویستە بریكار (وەكیل)ی خوێندكار یان خوێندكارەكە كە خۆی سەردانی وەزارەت دەكات، پێویستە زنجیرەی ناوی خوێندكار وەك لە لیستی هاوپێچدا نوسراوە بزانێت.
٤- چەكی سەرفكردنی شایستە داراییەكان تەنها لەبانكی كوردستانی نێودەوڵەتی – لقی پێشەوا بەرامبەر هۆتێل چوارچرا، یان لقی سەرەكی له شەقامی گوڵان، تەنیشت سوفی مۆڵ لەشاری هەولێر بەكاش دەدرێت.
٥- تكایە بەهیچ شێوەیەك سەردانی سەرۆكایەتی ئەنجومەنی وەزیران مەكەن بۆ وەرگرتنی چەكی شایستە داراییەكانی تواناسازی، چونكە چەكی پارە لە ناو دیوانی وەزارەتی خوێندنی باڵاو توێژینەوەی زانستی دابەش دەكرێت.
