نه‌ته‌نیاهۆ: زانیاری له‌باره‌ی ئه‌و گرووپه‌ی هێڕشی چه‌كداریان كرده سه‌ر خۆپیشانده‌رانی عێراق ئاشكرا ده‌كات
دوای ئه‌وه‌ی رۆژی هه‌ینی له خۆپیشاندانه‌كانی به‌غدا له نزیك پردی سنیك و گۆڕه‌پانی خه‌لانی به هۆی ته‌قه‌ی هه‌ڕه‌مه‌كی چه‌ند چه‌كدارێك به ده‌یان خۆپیشانده‌ر كوژران و به ده‌یانی دیكه‌ش بریندار بوون، بۆ یه‌كه‌م جار سه‌رۆكی ئیسرائیل زانیاری له باره‌ی ھێڕشكاره‌كان ئاشكرا ده‌كات.
بنیامینی نه‌تانیاهۆ سه‌رۆك وه‌زیرانی ئیسرائیل ئاشكرای كردووه كه میلیشیا شیعه‌كانی عیراق كه به‌سه‌رپه‌رشتی هێزه‌كانی پاسدارانی ئێران كارده‌كه‌ن له هێرشه‌كه‌ی ئێواره‌ی هه‌ینی ڕابوردوو بۆ سه‌ر خۆپیشانده‌ره‌كانی گۆڕه‌پانی ته‌حریر و خه‌للانی تێوه‌گلاون كه به‌هۆیه‌وه بیست و پێنج خۆپیشانده‌ر كوژران و سه‌دو سی و دووی دیكه‌یش برینداربوون.
نه‌تانیاهۆ له‌و باره‌وه كابینه‌ی وڵاته‌كه‌ی خۆی ئاگه‌دار كرده‌وه كه چه‌ند به‌ڵگه‌یه‌كی ئه‌وتۆ هه‌ن ئاماژه به‌وه ده‌كه‌ن كه هێرشه‌كه‌ی شه‌وی هه‌ینی ڕابوردوو بۆ سه‌ر خۆپیشانده‌ران له به‌غدا له‌لایه‌ن میلیشیا شیعه‌كانه‌وه ئه‌نجام دراوه كه ڕاسته‌وخۆ فه‌رمان له ئێران وه‌رده‌گرن. به‌و بۆنه‌یشه‌وه نه‌تانیاهۆ داوای له وڵاتانی ئه‌وروپا كرد گوشاری زۆرتر بخه‌نه سه‌ر ئێران به‌هۆی ئه‌و ده‌ستدرێژییانه‌یه‌وه كه له ڕۆژهه‌ڵاتی ناوین ئه‌نجامیان ده‌دات.
