لەدوای كۆنگرەی یەكێتی 157 كەس دەبنە سەركردایەتی ئەو حزبە
دوای مردنی تاڵەبانی یەكێتی نیشتمانی بریاری دا كۆنگرەی چوارەمی یەكێتی ئەنجام بدات، بۆ ئەو مەبەستەش دەیەوێت هەموو باڵ و لقەكانی ناو ئەو حزبە لە سەركردایەتی یەكێتی دا جێ بكاتەوە”.
لەو بارەیەوە فەرید ئەسەسەد ئەندامی سەركردایەتی ئەو حزبە و دارێژەری سیستەمی یەكێتی بۆ دوای تاڵەبانی دەلێـ”خەڵك لەمە تێناگات، چونكە ئەو سیستەمەی ئێمە پیادەی دەكەین نوێیە لە هەرێم و عێراقدا، ئێمە 121 ئەندامی سەركردایەتی هەڵنابژێرین. ئەنجوومەنی ناوەند 101 كەسە و ئەنجوومەنی سەركردایەتی 56 كەسە و كۆی گشتی هەردووكیان 157 كەسن، واتە ئێمە هەمووی پێكەوە هەڵدەبژێرین، دواتر دابەش دەبن”.
هەروەها راشی گەیاندووە” تێڕوانینمان ئەوەیە دامەزراوەی سەرۆكایەتی هەبێت و ئەنجوومەنێكی دیكەش هەبێت وەك ژووری دووەمی پەرلەمان، لەو روانگەوە ئەنجوومەنی گشتی پەرلەمانە، ئەم ژوورەش هەندێك دەسەڵاتی دەبێت وەك ئەوەی عێراق كە ژووری دووەمی پەرلەمانی هەیە و پێیدەگوترێ ئەنجوومەنی فیدراڵ.
ئەسەسەد هەروەها راشی گەیاندووە” ئێمەش دەمانەوێ سیستەمی یەكێتی بەو جۆرە لێبكەین و پەرلەمانە سەرەكییەكەی ناوی ئەنجوومەنی گشتی بێت، ژوورێكی دیكەشی هەبێت كە هێشتا ناوەكەمان دیاری نەكردووە. پاشان بیر لەوە دەكەینەوە لەو 120 كەسە ئەنجوومەنی سەركردایەتی یان ئەنجوومەنی جێبەجێكار یان ئەنجوومەنی راپەڕاندن پێكبهێنرێ.
