وەستا رەسوڵ: خەزعەلی سەری دای لەبەرد
خواكوڕك
لەدوای ئەوەی وەزارەتی پێشمەرگە وەڵامی قسەكانی خەزعەلیی دایەوە, فەرماندەیەكی پێشمەرگەش لایی خۆیەوە بە توندی وەڵامی قسەكانی خەزعەلی سەرۆكی عەسایبی ئەهلی حەق دەداتەوە دەڵێت” سەری دای لەبەرد”
وەستا رەسوڵ، فەرماندەی میحوەری باشوری كەركووكی هێزی پێشمەرگەی كوردستان رایگەیاند: ” نابێت كورد هەڕشەكانی خەز عەلی قبوڵ بكات, هەڕەشەكردن لە كورد و كوردستان هیچ كاتێك مایەی قبوڵ نییە, خەزعەلی و هاوشێوەكانی ئەوەیە هەركات بیانەوێ دژایەتی پێشمەرگە بكەن ئەوا سەری خۆیان دەدەن لە تاشە بەردەكانی كوردستان و قەندیل”.
شایەنی باشە پێشتر قەیس خەزعەلی، سەرۆكی گروپی چەكداری (عەسایبی ئەهلی حەق) لە دیدارێكی تەلەفزیۆنیدا لەگەڵ كەناڵی ئەلڕەشیدی عێراقی بە ئاراستەیەكی دوژمنكارانە لێدوانیدا و ئاماژەی بەوە كرد، قۆناغی داهاتوو جەنگی ئەوان دژ بە كورد و پێشمەرگە و بارزانی دەبێت.
