نێچیرڤان بارزانی پەیامێك بڵاودەكاتەوە

خواكوڕك
لە پەیامێكدا نێچیرڤان بارزانی سەرۆكی حكومەتی هەرێمی كوردستان جەژنی رۆژیێ ئێزی لە خوشك و برایانی ئێزیدی پیرۆزكرد, دەڵێت:” هیوا خوازم ئەم جەژنە ببیتە جەژنی ئازادكردنی ناوچەكانی تری ژێر دەستی داعش‌و كچ و خوشكانی ئێمەی ئێزیدی.
هەروەها هیوای خواست ئەم جەژنە جەژنی گەڕانەوەی ئێزدیەكان بێت بۆسەر ماڵ‌و حالی خۆیان.
دەقی پەیامی پیرۆز بایی سەرۆكی حكومەت بە بۆنەی جەژنی رۆژی ئێزی ئێزیدیەكان.

د پەیامەكێدا ڕێزدار نێچیرڤان بارزانی سەرۆكوەزیرێ هەرێما كوردستانێ جەژنا ڕۆژی یێن ئێزی یا خوشك و برایێن ئێزدی پیرۆز كر، ئەڤ تەكستا وێ یە:

جەژنا ڕۆژی یێن ئێزی یا خوشك و برایێن ئێزدی ل هەموو ئێزدییان ل كوردستانێ و ل هەر جهەكێ جیهانێ بن، پیرۆز دكەم.

هیڤیدارم جەژن و هەلكەفتێن بهێن یێن خوشك و برایێن مە یێن ئێزدی، جەژنێن سەركەفتنێ و ئازادكرنا هەموو جھ و وارێن ئێزدییان و هەموو وان كەچ و خوشكێن مە یێن ئێزدی بن یێن كوهێشتا ئازاد نەبوونە، هەروەها ببنە جەژنێن ڤەگەڕیانا هەموو ئاوارەیێن ئێزدی ژبۆ سەر مال و حالێن خۆ یێن ئازاد و ئاڤەدانكری.

جەژنەكا ئارام ژبۆ هەمی ئێزدییان دخوازم، هەر سال ب خێر و خۆشی.

نێچیرڤان بارزانی
سەرۆكوەزیرێ هەرێما كوردستانێ
14-12-2016