به وێنه: له‌سه‌ر ئه‌ركی سه‌رۆكی هه‌رێمی كوردستان یاریگای ناحیه‌ی ته‌كیه نۆژه‌نكرایه‌وه
دوای ئه‌وه‌ی نێچیرڤان بارزانی سه‌رۆكی هه‌رێمی كوردستان بڕیاریدا یاریگای 11 یارزانی ناحیه‌یی ته‌كیه له سنوری قه‌زای چه‌مچه‌ماڵ له‌سه‌ر ئه‌ركی خۆی نۆژه‌ن بكاته‌وه ئه‌مڕؤ له رێوڕه‌سمێكی تایبه‌ت به ئاماده‌بوانی به‌رپرسانی ناوچه‌كه یاریگایه‌كه به فه‌رمی كرایوه.
ئەمڕۆ چوارشەممە، بەئامادەبوونی هەڤاڵ ئەبوبەکر، پارێزگاری سلێمانی و مەهدی مزووری، نوێنەری سەرۆکی هەرێمی کوردستان یاریگەکە كه به‌شێوه‌یه‌كی سه‌رده‌میانه نۆژه‌نكراوه‌ته‌وه بەفەرمی کرایەوە و ئێستا بۆ یارییکردن ئامادەیە.
مەهدی مزووری، نوێنەری نووسینگەی ڕێزدار نێچیرڤان بارزانی، لە گوتارێکدا سڵاوی سەرۆکی نێچیرڤان بارزانیی گەیاندە خەڵکی ناوچەکە و گوتی، کردنەوەی ئەم یاریگەیە لە ناوچەکەدا، نیشانەی گرنگیپێدان و پەرۆشیی سەرۆک نێچیرڤان بارزانییە بە وەرزشکاران و ئەم ناوچەیە، لەکاتێکدا رەنگە ئەم دیارییە زۆر کەم بێت لەبەرامبەر ئەو قوربانییەی ناوچەکە داویەتی.
لای خۆیەوە هەڤاڵ ئەبوبەکر، پارێزگاری سلێمانی لە گوتارێکدا گوتی، بەناوی نێچیرڤان بارزانی، سەرۆکی هەرێمی کوردستان پیرۆزبایی کردنەوەی ئەم یاریگەیەتان لێدەکەم، بەناوی پارێزگاری سلێمانی سوپاسی بردنە سەری بەڵێنەکان لە سەرۆکی هەرێمی کوردستان دەکەین بۆ نۆژەنکردنەوەی یاریگەکە و هیوادارین بە ئیرادەی هەموومان، بتوانین کاری باشتر بکەین.
