نه‌ته‌وه‌یه‌كگرتووه‌كان هۆشداری ده‌دات له باره‌ی دۆخی عێراق و هێزه ئه‌منیه‌كان و میلشیاكان تۆمه‌تبار ده‌كات به كوشتنی چاڵاكوانان
له‌گه‌ڵ ئه‌وه‌ی له خۆپیشاندانه‌كانی عێراق كه تا ئێستا به‌رده‌وامه تا ئێستا نزیك به 500 كه‌س كوژراوه‌و زیاتر له 20 هه‌زار كه‌س بریندار بووه، نوێنەرایەتی نەتەوەیەکگرتووەکان لە عێراق هێزە ئەمنییەکان و میلیشیاکان بەدەستگیرکردنی هەڕەمەکی خۆپیشاندەران و چالاکوانانی مەدەنی تۆمەتبار دەکات.
به پێی راگه‌یێندراوێكی نوێنەرایەتی نەتەوەیەکگرتووەکان لە عێراق كه پشتیان به زانیاری ورد به‌ستووه چالاكوانان و خۆپیشانده‌رانی عێراق له لایه‌ن میلیشاكان و هێزه ئه‌مینه‌كان ده‌ست گیرده‌كرێن و ده‌كوژرێن.
نوێنه‌رایه‌تی نه‌ته‌وه یه‌كگرتووه‌كان له عێراق هه‌روه‌ها رایگه‌یاندووه كه هێزە ئەمنییەکان هەندێك کەسیان لەناو ماڵ و ئۆتۆمبێلەکانیان بەتۆمەتی پاراستنی ئاسایشی نیشتمانی دەستگیرکردووە و رەوانەی زیندانی تاکەکەسیان کردوون. ته‌نانه‌ت ئه‌وانه‌ی له لایه‌ن میلیشاكانه‌وه ده‌ستگیركراون تا ئێستا چاره‌نوسیان نادیاره
هه‌روه‌ها ئاماژه‌شی به‌وه داوه كه له ماوه‌ی رابردوو میلیشاكانی عێراق 5 چالاكوانی مه‌ده‌نی عێراقیان له زیندانی تاكه‌كه‌سی ده‌ست به‌سه‌ر كردووه.
