وه‌زیری ده‌ره‌وه‌ی ئه‌مریكا: له عێراق به‌رده‌وام ده‌بین له رووبه‌ڕوو بوونه‌وه‌ی تیرۆر
وه‌زیری ده‌ره‌وه‌ی ئه‌مریكا مایك پۆمپیۆ ئه‌مڕۆ چوارشه‌ممه له كۆنگره‌یه‌كی رۆژنامه‌وانیدا رایگه‌یاندووه گه‌لی عێراق ده‌یانه‌وێت وڵاتێكی سه‌ربه‌خۆیان هه‌بێت.
هه‌روه‌ها پۆمپیۆ رایگه‌یاندووه كه ئه‌مریكا له ناو خاكی عێراق به‌رده‌وام ده‌بێت له رووبه‌ڕوو بوونه‌وه‌ی تیرۆر.
له به‌شێكی دیكه‌ی قسه‌كانیدا پۆمپیۆ رایگه‌یاندووه كه وڵاته‌كه‌ی سزای توندی به‌سه‌ر شه‌ست كه‌سدا سه‌پاندووه به هۆی پێشێلكردنی ئه‌و سزایانه‌ی ئه‌مریكا به‌سه‌ر ئێرانیدا سه‌پاندووه له سه‌رتاسه‌ری جیهان، هه‌روه‌ها گوتیشی سیاسیه‌تی سه‌پاندنی سزا به‌سه‌ر ئێران به‌رده‌وام ده‌بێت.
پۆمپیۆ گوتیشی سزای نوێ به‌سه‌ر ئێران و ئه‌و كۆمپانیایانه‌ی كه هاوكاری ئێران ده‌كه‌ن وه ئه‌و تۆڕ و كۆمپانیایانه‌ی چه‌كی ئێران به قاچاغ بۆ وڵاتان ده‌گوازنه‌وه ده‌سه‌پێنین
