دوو كورد له هه‌ڵبژاردنی په‌رله‌مانی به‌ریتانیا ده‌رچوون
لە کۆی چوار كاندیدی کورد لە هەڵبژاردنی پەرلەمانی بەریتانیا، دوو کوردیان دەرچوون، یەکێکیان سەر بە پارتی پارێزگاران و ئەوەی دیکەش سەر بە پارتی کارە.
بەپێی ئەنجامە بەراییەکانی هەڵبژاردنی پەرلەمانی بەریتانیا، لە کۆی چوار كاندیدی کورد لە هەڵبژاردنی پەرلەمانی بەریتانیا، دوو کورد به‌ناوه‌كانى، (نەدیم زەهاوی لەسەر لیستی پارتی پارێزگاران – فریاڵ کلارك لەسەر لیستی پارتی کار)دەرچوون.
بەدەر لەم دوو كاندیده دەرچووە، دوو كاندیدی دیکەی کورد لە هەڵبژاردنەکەدا هەبوون، بەڵام بەپێی ئەنجامەکان دەرنەچوون. ئەوانیش ئیبراهیم دووگوش، كاندیدی پارتی کار کە خەڵکی باکووری کوردستانە. ئەوەی دیکەش کاوە بەهەشتیزادە، كاندیدی پارتی لیبراڵ دیموکراتە کە خەڵکی پاوەی رۆژهەڵاتی کوردستانە.
لەبەرامبەردا، پارتی کاری بەریتانیا ژمارەیەکی زۆر کورسی لەدەستداوە، بەجۆرێک لەم هەڵبژاردنە بەتەنیا 191 کورسی بەدەستهێناوە، ئەمەش لە کاتێکدایە لە خولی پێشووی پەرلەماندا 262 کورسیان هەبووە.
