ئەیاد عەلاوی: ئێستا باجەكە دەدەین بەقسەی سەرۆك بارزانیان نەكرد
لە سەرەتای ساڵی 2014 سەرۆك بارزانی هۆشداری تووندی دا لەبارەی دۆخی عێراق و خۆدزینەوەی بەغدا لە جێبەجێ نەكردنی دەستوور، لەوكاتەدا رایگەیاند كە عێراق بەلارێدا دەبرێت، ئەمەش كارەساتێكی گەورەیە.
پاش پێنج ساڵ سەركردەیەكی عێراقی ئەیاد عەلاوی دەلێت”حوکمڕانیی عێراق ئێستا باجی جێبەجێ نەکردنی دەستوور دەدات، هەروەها دەشلێـ” عێراق لەبەردەم مەترسی دایە و پێویستە لایەنەکان ئەزموون و داناییان هەبێت”.
ئەیاد عەڵاوی سەرۆكی هاوپەیمانیی نیشتماننی عێراق، لە تۆری كۆمەڵایەتی تویتەر لە تویتێكی دا رادەگەێنێت، ئەگەر لە ساڵی 2010 کار بە دەستوور بکرابا لەبارەی ئەو هاوپەیمانییەی سەرکەوتووی هەڵبژاردن بوو، ئێستا عێراق رووبەڕووی ئەو کێشانە نەدەبووەوە.
