بەتاوانێکی نادیـار .. کەسێك باوکی خۆی کوشت

ئەمڕۆ پێنج شەممە لە بەیاننامەیەکی دا پۆلیسی پارێزگای زیـقار ڕایگەیاند تیمێکی کار لە هۆبەی دژە تاوانی قەزای ئیسلاح و مەفرەزەیەکی بەدواچوون توانیان تاوانێکی کوشتنیکی  نادیار ئاشکرا بکەن و پەنجەی تۆمەتیان ئاراستەی کوڕی کوژراوەکە کرد بەناوی ” ع ص ر ” تەمەن 31 ساڵ کە دانیشتووی گوندی خشابی سەر بە شاروچکی سەید دەخیلە

لە دوای وەرگرتنی ڕەزامەندی و بە بەڵگەکان ڕوبەڕوی تاوانبار کران دانی بە تاوانی کوشتنی باوکی نا بەهۆی کێشەیەکی خێزانی،  لەبەر ئەوەی باوکی شۆفێری تەکسیە،  بکـوژ هەڵساوە بە گرتنی ڕێگای گەڕانەوەی باوکی بۆ ماڵەوە و کاتێ باوکی لە تەکسیەکە دابەزی دەسترێژی گولەی لێ کردووە و 10 گولەی لێ داوە و شوێنی تاوانەکەی جێهێشت و پاشان سەردانی ماڵی باوکی کردووە و کە زانی کوژراوە بردوویەتی بەرەو نەخۆشخانە و داوای یاسایی تۆمار کردووە ، و لە دوای تۆمارکردنی دان پێدانانی تاوانبار دادوەر بە پێی مادەی 406 لە یاسای سزادانی عێراقی بەندی کردووە

سەرچاوە : شەفەق نیـوز