سەرۆک بارزانی پیرۆزبایی خۆی ئاراستەی خوشک و برایانی ئێزدی دەکات

لە پەیامێکی تایبەت دا سەرۆک بارزانی بە بۆنەی جەژنی ( رۆژیێن ئیزدی ) پیرۆزبایی خۆی ئاراستەی خوشک و برایانی ئیزدی دەکات و ئاماژەی پێدەدات کوردستان وڵاتی ئاشتی و پێکەوە ژیانە

ده‌قی په‌یامه‌كه‌ی سه‌رۆك بارزانی:

“بەناوی خودای بەخشندە و میهرەبان

بەبۆنەی هاتنەوەی «جەژنی ڕۆژووی ئێزی»، گەرمترین پیروزبایی له خوشك و برایانی ئێزیدی لە كوردستان و سەرانسەری جیهان دەكەم.

هیوادارم ئەو جەژنە، شادی و ئارامی و بەختەوەریی بۆ خوشك و برا ئێزیدیەكانمان بهێنێت و کۆتایی بە ئازار و مەینەتییەکانیان بێت.

كوردستان وڵاتی برایەتی و پێكەوەژیانە و، پاراستنی ئەو تەبایی و برایەتی و پێكەوەژیانە ئەرکێکی پیرۆزە و درێخی لێ ناکەین.

جەژنتان پیرۆز و، ئومێد دەكەم هەمیشە جەژنەكانتان لە خۆشی و ئاشتیدا بكەنەوە.

مسعود بارزانی

19ـی 12ـی 2019”