دادگای باڵای فیدڕاڵی عێراق لە بارەی گەورەترین کوتلەی پەرلەمانی، وەڵامی سەرۆك کۆماری دایه‌وه
ئیاس سامۆک، وتەبێژی دادگای باڵای فیدراڵی عێراق لە بەیاننامەیەکدا رایگەیاند، سەرۆک کۆمار لەبارەی گەورەترین کوتلەی پەرلەمانی، داوای روونکردنەوەی لە دادگاکە کردبوو. گوتیشی، دادگاکە بە ئامادەبوونی ئەندامانی، کۆبوونەوەیەکی ئەنجام داوە و تێیدا بە پشتبەستن بە ماددەکانی دەستوری وڵات بڕیاری داوە، گەورەترین کوتلە ئەو کوتلەیەیە، کە پاش هەڵبژاردن لە پەرلەمانی عێراق پێکهێنراوە.
بەپێی بڕیارەكه‌ی دادگاش، کوتلەی بینا (هاوپەیمانییەکانی فەتح و دەوڵەتی یاسا) گەورەترین کوتلەی پەرلەمانین و بەپێی دەستووریش، کاندیدی ئەو کوتلەیە جێی عادل عەبدولمەهدی دەگرێتەوە، کە بریتییە لە قوسەی سوهێل.
بەپێی میدیا عێراقییەکان، ئەمڕۆ یەکشەممە سه‌رۆك كۆماری عێراق سەرۆک وەزیرانی نوێی، رادەسپێرێت.
