وەزارەتی تەندروستی پشووەکانی سەری ساڵی کەمکردەوە

وەزارەتی تەندروستی حکومەتی هەرێم رۆژەکانی پشووەکانی سەریساڵی لە ١١ رۆژەوە کەمکردوە بۆ ٢ رۆژ.

بەپێی نوسراوێکی وەزارەتی تەندروستی کە ئاراستەی هەموو نۆرینگە میللی و راوێژکارییەکانی هەولێر و سلێمانی و دهۆک و هەڵەبجە و راپەڕینی کردوە، رایگەیاندوە تەنها رۆژانی ٢٥ مانگ و یەکی یەک پشوو دەبێت.

ئاشکراشیکردوە بەپێچەوانەوە رۆژەکانی تر دەبێت نۆرینگە میللی وراوێژکارییەکان کراوەبێت و دەوامی فەرمی دەبێت.

ئەوە لەکاتێکدایە هەفتەی رابردوو حکومەتی هەرێم بەهۆی سەریساڵەوە یانزە رۆژ پشووی لەسەرجەم فەرمانگە و دامەزراوەکاندا راگەیاند.