پارێزگاری هەولێر لەناکاو چووە نەخۆشخانەی فریاکەوتن
کاتژمێر دوانزەو نیوی شەوی رابردوو بەشێوەیەکی لەناکاو پارێزگاری هەولێر چووە نەخۆشخانەی فریاکەوتنی رۆهەڵات و ئەو کارمەند و پزیشکانەی ئامادەی دەوام نەبون سزادران.
بەپێی راگەیەندراوێکی پارێزگای هەولێر شەوی رابردوو فرسەت سوفی و جێگرەکانی و بەڕێوەبەری تەندروستی و قایمقام لەگەڵی بوون، چۆتە نەخۆشخانەکە و لە لە رەوشی نەخۆشخانەکە چۆنیەتی پێشوازیکردنی لە نەخۆشخانەکان کۆڵیوەتەوە.
پارێزگای هەولێر بەڕێوەبەری نەخۆشخانەی فریاکەوتنی راسپارد ئەو بەشانە نۆژەن بکەنەوە کە پێویستیان بە نۆژەنکردنەوەیە.
فرسەت سۆفی رایگەیاند دەبێت پاک و خاوێنی نەخۆشخانەکە پێوەری یەکەم بێ بۆ ئەم مەبەستەش دەبێت ڕێنمایی بە بەڵێندری پاککردنەوە بدرێت.
