دانانی مۆبایل له گیرفانی پانتۆڵ زیانی زۆری هه‌یه
به پێی لێکۆڵینه‌وه‌یه‌ك، دانانی مۆبایل له گیرفانی پێشه‌وه‌ی پانتۆڵ ده‌بێته هۆی ئه‌وه‌ی که پیاوان توانای منداڵبوونیان که‌متر بێت.
به پێی ڕاپۆرتی جام کوردی، لێکۆڵینه‌وه پزیشکییه‌کان ئاشکرایان کردووه که دانانی مۆبایل به‌م شێوه‌یه ئێسکه‌کانی ئه‌م ناوچه‌یه لاواز ده‌کات، هه‌روه‌ها کاریگه‌ری نه‌رێنیش له سه‌ر توانای منداڵبوون درووست ده‌کات.
ئه‌و تیشکه‌ی که له ئامێری مۆبایله‌که ده‌رده‌چێت کاریگه‌رییه‌کی نه‌رێنی هه‌یه له سه‌ر ژماره‌ی تۆوه‌کانی پیاوان،
هه‌روه‌ها جوڵه‌ی تۆوه‌کانیش به ڕێژه‌ی له سه‌دا 8 که‌م ده‌بێته‌وه و خێراییه‌که‌شی له سه‌دا 9 جیاوازی ده‌بێت.
پیاوان ده‌بێت ئاگاداری ئه‌وه بن که مۆبایله‌کانیان له گیرفانی پێشه‌وه دانه‌نێن، به تایبه‌ت له ناو ئه‌و پانتۆڵانه‌ی که ستایلێکی ته‌سکیان هه‌یه.
