بارەگای بارزانی ڕاگەیەندراوێک بڵاو دەکاتەوە .
لەو ڕاگەیەندراوەدا چەند هەواڵی ماڵپەرە کوردی و عەرەبیەکان ڕەت کراوەتەوە و ئاشکرا دەکرێت سەرۆک بارزانی سکاڵای لە سەر کەس تۆمار نەکردووە .
ده‌قی راگه‌یه‌ندرواه‌كه‌ی باره‌گای بارزانی:
لە چەند سایتێكی كوردی و عەرەبی هەواڵێك بڵاو بووەتەوە، گوایە لەسەر سكاڵای سەرۆك بارزانی هاووڵاتییەكی عێراقی بە تۆمەتی ناوزڕاندن لە شاری نەجەف ده‌ستگیركراوه.
لێرەدا بە هەموو لایەك ڕادەگەیێنین، ئەم بابەتە دوور و نزیك پەیوەندی بە سەرۆك بارزانییەوە نییە و سەرۆك بارزانی سكاڵای لەسەر هیچ كەسێك تۆمار نەكردووە و بە هیچ شێوەیەك ئاگاداری بابەتی لەمشێوەیە نین و پەیوەندیشمان پێوە نییە.
ڕاگەیاندنی بارەگای بارزانی
