ھەفتەی داھاتوو دەست بەدابەشکردنى مووچە دەکرێت
وەزارەتی دارایی و ئابووری حکومەتی ھەرێمی کوردستان ئامادەکاری دەکات دوای تەواوبوونی پشووەکان دەست بە دابەشکردنی مووچەی فەرمانبەران بکات .
بەپێی چەند زانیارییەک کە دەست ده‌زگایی میدیایی (خواكوڕك) کەوتووە ، بڕیارە دوای کۆتایی ھاتنی پشووە فەرمییەکان و لەناوەڕاستی ھەفتەی داھاتوو دەست بە دابەشکردنی مووچەی فەرمانبەران بکرێت .
بەپێی زانیارییەکان ئەو مووچەیەی لە مانگی یەکی ساڵی ٢٠٢٠ دابەش دەکرێت ، مووچەی مانگی ١٠ی ساڵی ٢٠١٩ دەبێت.
ھەروەھا وەزارەتی دارایی و ئابووری ھاوشێوەی مانگەکانی مووچەکە بەپێی خشتەیەکی دیاریکراو دابەش دەکات.
بەپێی ڕێككەوتنی نێوان هەرێمی كوردستان و عێراق لە ناوەڕاستی هەر مانگێك، عێراق بڕی 452 ملیار دینار بۆ هەرێمی كوردستان دەنێرێت و بە داهاتی ناوخۆیی و پارەی هاوپەیمانان بۆ پێشمەرگە و فرۆشتنی نەوت مووچەی فەرمانبەران دەدرێت.
