هاوپهیمانی سائیرون پێویسته حكومهت رێ له داگیركاری ئهمریكا بگرێت

دوای ئهوهی فڕۆكه جهنگیهكانی ئهمریكا شهوی رابردوو بنكهكانی حهشدی شهعبی و هێزهكانی نزیك له ئێرانی له نێو خاكی عێراق و سوریا بۆردوومانكرد، هاوپهیمانی سائیرونی سهر به رهوتی سهدر وهك كاردانهوهیهك له دژی هێرشی سوپای ئهمریكا بۆ سهر حهشدی شهعبی داوای كرد ئهم پرسه بخرێته كاری دانیشتنی ئهنجوومهنی نوێنهرانی عێراق.
هاوپهمانی سائیرون له راگهیهندراوهكهیدا دهشڵێت: هێرشی سوپای ئهمریكا بۆ سهر حهشدی شهعبی له پارێزگای ئهنبار پێشێلكردنی ئاشكرای سهروهری خاكی عێراقه. هاوكات داوای كردووه لێكۆڵینهوی ورد له بارهی هێرشهكه ئهنجام بدرێت. ئاماژه بهوهش دهكات كه نابێت رێگه به پێشێلكردنی سهروهری خاكی عێراق بدرێـت چونكه ئهمه به واتای پێشێل كردنی ئیرادهی نهتهوهییه و پێویسته لهسهر حكوومهت لهم بابهته به ئهركی بهرگری خۆی ههڵبستێت و له بهرامبهر ههر چهشنه داگیركارییهكی دهرهكی كاردانهوهی ههبێت.
له كۆتاییشدا داواش دهكات كه ئهم پرسه بخرێته كاری دانیشتنهكهی ئهمڕۆی ئهنجوومهنی نوێنهرانی عێراقهوه .