پێنتاگۆن : بۆ هەر دەستدرێژییەک بۆ سەر باڵیۆزخانەکەمان وڵامی توندمان دەبێت
هەر ئێستا پێنتاگۆن رایدەگێنێت ، هێزێکی تایبەتیان لە دەورووبەری باڵیۆزخانەی ئەمریکا لە ناوچەی سەوز جێگیر کردووە .
ئەو هێزەفەرمانی تەقەی ڕاستەوخۆی پێیە بۆ هەر جۆرە گێرەشێوێنی و هەڵکوتانە سەر باڵیۆزخانەی ئەو وڵاتە لە بەغدا .
هەر لەمبارەوە ، ڕاگەیاندنە عێراقیەکان ئاشکرایان کردووە ، یەکەیەکی مارێنزی ئەمریکی سەربازگەی ( عەین ئەسەد ) ی جێهێشتووەو خۆیان گەیاندۆتە شاری بەغدا و ناوچەی سەوز .
لە ڕێگەی پەیامێکی ڕاستەوخۆ بە بڵیندگۆ هۆشداری دراوەتە خۆپیشاندەران و پێیان گوتراوە ، هەرکەس نزیک بیتەوە دەکوژرێت .
هاوکاتیش فرۆکەو کۆپتەری شەڕکەر لە سەر باڵیۆزخانە خەریکی چاوەدێری دۆخەکەن
