سەرۆکی هەرێمی کوردستان پیرۆزبایی ئاراستەی پەیڕەوانی کلێسای ئەرمەنی ئەرتۆدۆکس دەکات

دەقی پەیامەکەی نێچیرڤان بارزانی سەرۆکی هەرێمی کوردستان

جەژنی لەدایکبوونی حەزرەتی مەسیح بە گەرمى لە هەموو خوشك و برایانى پەیڕەوانى كلێسای ئەرمەنی ئەرتۆدۆکس لە کوردستان و عێراق و جیهان پیرۆز دەکەم. هیوادارم جەژن ببێتە مایەی خێر و خۆشی کوردستانییان و سەرجەم گەلان و بەرقەراربوونی ئاشتی و ئارامی لە ناوچەکەماندا.

هەرێمى کوردستان، لانەى پێکەوەژیان و لێبوردەیی و ماف و ئازادییەکانی سەرجەم پێکهاتە نەتەوەیی و ئایینییەکانیەتی، لەم یادەدا جەخت لە پاراستن و پتەوترکردنی بنەماکانی ئەم کولتوور و بەهایانە دەکەینەوە و هەموومان پێکەوە لەپێناو قووڵکردنەوەیاندا کاردەکەین.

جەژن و پشوویەکى ئارام بۆ هەمووان دەخوازم و هەموو ساڵێك بە خۆشى.

نێچیرڤان بارزانى

سەرۆکى هەرێمى کوردستان

6/1/2020