کریستیانۆ رۆناڵدۆ بۆ وڵاتێکی ئەفریقا داوەتکرا
کریستیانۆ رۆناڵدۆ، ئەستێرەی پۆرتوگالی و یانەی یوڤێنتوسی ئیتالی بۆ ئەنجامدانی گەشتێک بۆ میسر بانگهێشتکرا.
کامل ئەبو عەلی، بەڕێوەبەری کار و سەرۆکی کۆمپانیای سپۆنسەری ئاهەنگی دەستنیشانکردنی باشترینەکانی ئەفریقا، لە میانەی رێورەسمەکەدا گوتی، بانگهێشتی کریستیانۆ رۆناڵدۆ دەکەن بۆ ئەوەی هاوینی داهاتوو سەردانی میسر بکات.
ئەبو عەلی لەلێدوانێکی رۆژنامەڤانیدا گوتی، کریستیانۆ رۆناڵدۆ و خێزانەکەی بۆ ئاهەنگەکە بانگهێشتکرابوون، خێزانەکەی لە کەرنەڤاڵەکەدا ئامادەبوون، بەڵام بەهۆی پابەندی رۆناڵدۆ بە کارەکانییەوە نەیتوانی ئامادەببێت.
لەلایەن خۆیەوە کاتیا ئاڤیێرۆی خوشکی رۆناڵدۆ خۆشحاڵی خۆی بە بینی شاری غەردەقە و میسر پێشاندا.
شەوی رابردوو لە رێورەسمێکی گەورەدا باشترینەکانی ئەفریقا بۆ 2019 خەڵاتکران و سادیۆ مانێ، ئەستێرەی سەنیگال و یانەی لیڤەرپوول بەباشترین یاریزان دەستنیشانکرا.
