ئاتڵێتیكۆ مه‌درید گه‌یشته یاریی كۆتایی جامی سووپه‌ری ئیسپانیا
له قۆناخی پێشكۆتایی جامی سووپه‌ری ئیسپانیا، ئاتڵێتیكۆ مه‌درید شكستی به بارسێلۆنا هێنا و گه‌یشته یاریی كۆتایی پاڵه‌وانێتییه‌كه.
له گێمی یه‌كه‌م هیچ لایه‌ك نه‌یانتوانی تۆڕی یه‌كتربهه‌ژێنن، به‌ڵام رووداوه‌كانی گێمی دووه‌م گه‌رموگوڕ بوون.
له‌گه‌ڵ ده‌ستپێكی فیكه‌ی گێمی دووه‌م كوكی كاپتنی ئاتڵێتیكۆ مه‌درید گۆڵی پێشكه‌وتنی تۆمار كرد.
دواتر لیۆ مێسی كاپتنی بارسێلۆنا وه‌ڵامی دایه‌وه و له خوله‌كی 51 ئه‌نجامه‌كه‌ی یه‌كسان كرده‌وه.
پاشان مێسی گۆڵێكی دیكه‌شی تۆمار كرد، به‌ڵام ڤار ئه‌و گۆڵه‌ی ڕه‌تكرده‌وه، دواتر له خوله‌كی 74 ڤار گۆڵێكی دیكه‌ی بارسێلۆنای ره‌تكرده‌وه كه له لایه‌ن جیرارد پیكێ تۆمار كرا.
دواتر له خوله‌كی 81 ئالڤارۆ مۆراتا به لێدانی پێناڵتی ئه‌نجامه‌كه‌ی بۆ ئاتڵێتیكۆ مه‌درید یه‌كسان كرده‌وه، ئانخێل كۆریای ئارجێنتینی له خوله‌كی 86 گۆڵی سێیه‌می كرد و یارییه‌كه به سه‌ركه‌وتنی كوڕانی سیمیۆنی كۆتایی هات.
یه‌كشه‌ممه‌ی داهاتوو یاریی كۆتایی جامی سووپه‌ری ئیسپانیا له نێوان ریال مه‌درید و ئاتڵێتیكۆ مه‌درید له كاتژمێر 9:00ـی شه‌و ده‌كرێت.
