دۆناڵد ترەمپ بە زمانی فارسی پەیامێك بۆ خۆپییشاندەرانی ئێران دەنێرێت
دۆناڵد ترەمپ، سەرۆکی ویلایەتە یەکگرتووەکانی ئەمەریکا لە تویتێکدا بە زمانی فارسی، پشتیوانی واشنتن بۆ خۆپیشاندانەکانی ئێران دەردەبڕێت و دەڵێ بە وردی چاودێری دەکەن.
دۆناڵد ترەمپی سەرۆکی ئەمریکا پەیامەکەی لە هەژماری تایبەتیی خۆیی لە تۆڕی کۆمەڵایەتیی (تویتەر) بڵاو کرووەتەوە و تێیدا ناڕاستەوخۆ پشتگیریی خۆپیشاندەرانی ئێرانی کردووە.
دۆناڵد ترەمپ رایگەیاندووە، پێویستە دەسەڵاتدارانی ئێران رێگا بە رێکخراوە مرۆییەکان بدەن لێکۆڵینەوە و چاودێریی خۆپیشاندانەکان بکەن و راپۆرتی خۆیان حازر بکەن.
دوێنێ شەممە و لە دوای ئەوەی سوپای پاسداران بەرپرسیارەتی خستنە خوارەوەی فڕۆکە ئۆکراینیکەی گرتە ئەستۆ، لە تاران و چەند شارێکی دیکەی ئێران، خۆپیشاندانەکان دەستیان پێکردووە.
