خۆپیشاندەران بارەگای رێكخراوی بەدری سەر بە حەشدی شەعبی یان لە كەربەلا سوتاند
لەگەڵ بەردەوامی خۆپیشاندانەکان لە شارەکانی ناوەڕاست و باشوری عێراق، لە شاری کەربەلا خۆپیشاندەران شەوی ڕابردوو هێڕشیانکردە سەر بارەگای رێكخراوی بەدر لە شاری كەربەلا و ئاگریان تێبەرداوە”.
سەرچاوەکانی ئەمنی لە شارەکە ڕایانگەیاندوو بەهۆی ئاگر تێبەردانەكەوە، بەشێكی زۆری بارەگاكە سوتاوە، كە دواتر ئاگرەكە لە لایەن تیمەكانی ئاگركوژێنەوە كۆنترۆڵكراوە و كوژێندرایەوە.
هەروە سەرچاوەکە ئاماژەشی بەوەکردووە کە خۆپیشاندەران ویستویانە بارەگای ئەنجوومەنی پارێزگای كەربەلا بسوتێنن بەڵام هێزە ئەمنیەکان ڕێگریان کردووە.
بەپێی ئامارەكانی كۆمیسیۆنی باڵای مافەكانی مرۆڤ لە عیراق لە دەستپێكی خۆپیشاندانەكانەوە لە بەغدای پایتەخت و شارەكانی دیكەی عیراق، كە لە سەرەتای مانگی تشرینی یەكەمی ساڵی رابردوەوە تائێستا بەردەوامە، 502 كەس كوژراون و زیاتر لە 17 هەزار كەسی دیكە لە خۆپیشاندەران و هێزە ئەمنییەكان برینداربون.
