ترەمپ بەچەند تویتێکی فارسی پشتیوانی خۆی بۆ خەڵکی ئێران دەردەبڕێت .
بۆیەکەم جار سەرۆک کۆماری ئەمریکا بۆ پشتیوانی کردن لە خۆپیشاندانەکانی ئەمجارەی ئێران بە تویتی فارسی پشتیوانی بۆ خەڵکی وەزاڵەهاتووی ئێران دەردەبڕێت و دەنووسێت خەڵکی قارەمان و مەرارەت دیتوی ئێران من لە گەڵتانم .
لە بەشێکی تویتەکاندا دەنووسێت من لەو کاتەوەی هاتوومەتە دەسەڵات پاڵپشتی ئێوەم کردووە و ئیستاش لەگەڵتانم ، بوێری و خۆڕاگری ئێوە بۆ ئێمە مزگێنی ئازادییە .
لە تویتێکی تر دادەنووسێت پێویستە هەموو چاودێرانی مافی مرۆڤ چاویان لە سەر ئێران بێت و ڕاپۆرتی خۆیان ئاراستەی ناوەندە نێودەوڵەتیەکان بکەن ، لەوانەیە دیسان حکومەتی مەلاکان دەست بە کوشتنی خەڵک کاتەوەو ئەنتەرنەتیان لێ بپچڕێنێت .
لە تویتی کۆتاییدا دەنووسێت ڕەژیمی ئێران پێویستە ئیزن بە چاودێرانی مافی مرۆڤ بدات هەموو ڕاستیەکان بۆ جیهان ئاشکرا کەن و دەنگی ناڕازیان بگاتەوە گوێی جیهان ، نابێت بۆجارێکی تر کۆماری ئیسلامی بە لێشاو خەڵک قەتڵ و عام کات ، نابێت ئەنتەرنێت بە سەر گەلانی ناو ئێراندا دابخات ، دڵنیا بن جیهان چاوی لە سەرتانە
