خواردنی پەنیر بەبڕی گونجاو چی لە ته‌ندروستی دڵ و خوێنبه‌ره‌کان دەکات

زۆربه‌مان واده‌زانین په‌نیره‌کان بۆ ته‌ندروستی خراپن و چه‌وریان تێدایه‌ به‌ڵام نوێترین توێژنه‌وه‌ پێچه‌وانه‌که‌ی سه‌لماندووه‌ .

زانایانی زانکۆی پنسلڤینیا له‌ئه‌مه‌ریکا ئاشکرایانکردووه‌، خواردنی په‌نیر کاریگه‌ری خوێی زۆر ناهێڵێت و بۆرییه‌کانی خوێن و دڵ ده‌پارێزێت .

له‌ توێژینه‌وه‌که‌ 11 هه‌زار که‌سی پێگه‌یشتوو به‌شداربون وکراون به‌ 4 به‌شه‌وه‌، کۆمه‌ڵه‌ی یه‌که‌م  ڕۆژانه‌ جارێک خورادنی که‌م خوێ و نه‌بونی په‌نیر خواردووه‌، کۆمه‌ڵه‌ی دووهه‌م خورادنی که‌م خوێ و زۆری په‌نیریان خواردووه‌، کۆمه‌ڵه‌ی سێهه‌م خواردنی خوێی زۆر و بێ په‌نیریان خواردووه،کۆمه‌ڵه‌ی چواره‌م خواردنی زۆر خوێ و په‌نیری زۆریانخواردووه‌ و ماوه‌ی 8 ڕۆژ به‌رده‌وام بووه‌.

ئه‌نجامه‌کان پاش چاودێری به‌رزی په‌ستانی خوێن و ته‌ندروستی بۆرییه‌کانی خوین ده‌رکه‌وتووه‌، ئه‌وانه‌ی خوێی زۆریان له‌گه‌ڵ بڕێکی که‌م په‌نیریان خواردووه‌ باری ته‌ندروستیان تێکچووه‌ له‌چاو ئه‌وانه‌ی برێکی زۆر په‌نیر و خوێییان خواردووه‌ و په‌ستانی خوێنیان که‌متربووه‌ .