سبه‌ی ده‌نگ له‌سه‌ر پڕۆژه یاسای چاكسازی ده‌درێت
له بانگهێشتنامه‌یه‌كدا سه‌رۆكی په‌رله‌مانی كوردستان، بۆ دانیشتنی ژماره ١٥ی ئاسایی ساڵی یه‌كه‌م له خولی ھه‌ڵبژاردنی پێنجه‌می په‌رله‌مان، بۆ رۆژی پێنجشه‌ممه بانگھێشتی گشت ئه‌ندامانی په‌رله‌مان ده‌كات.
به‌پێی به‌رنامه‌ی كاری دانیشتنه‌كه پڕۆژه یاسای چاكسازی له خانه‌نشینی مووچه و ده‌رماڵه و به‌خشین و ئیمتیازاته‌كانی دیكه له هه‌رێمی كوردستان ده‌نگی له‌سه‌ر ده‌درێت.
په‌رله‌مانی كوردستان له‌میانی دانیشتنی ئاسایی خۆیدا له ١٢ و ١٣ی ئه‌م مانگه، خوێندنه‌وه‌ی دووه‌می بۆ پڕۆژه یاسای چاكسازی له خانه‌نشینی مووچه و ده‌رماڵه و به‌خشین و ئیمتیازاته‌كانی دیكه له ھه‌رێمی كوردستان كرد.
