فەڕەنسا ڕاداڕێکی پێشکەوتوو بۆ دژایەتی ئێران لە کەنداو جێگیر دەکات
یەک رۆژ لە دوای وتاری ساڵانەی ئیمانۆئێل ماکرۆن سەرۆک کۆماری فەڕەنسا بۆ سوپای وڵاتەکەی ، وەزیری سوپای فەڕەنسا ڕایگەیاند وڵاتەکەی بڕیاری داوە پێشکەوتووترین ڕادار لە سنوورەکانی رۆژهەڵاتی سعوودیا جێگیر بکات کە نزیکە لە سنوورەکانی ئێران .
جێگیر کردنی ئەو رادارە لە کاتێکدایە چەند مانگ پێشتر گومان لە سەر ئەوە بوو ئێران هێرشی مووشەکی کردۆتە سەر ئارامکۆی سعوودی .
پێشتر فلۆرانس پارلی وەزیری سوپای فەڕەنسا سەردانی “مەنامە ” ی پایتەختی بەحرێنی کردبوو ، باسی جێگیر کردنی ئەو ڕادارەی کردبوو بۆ ئاگادار بوون لە هەر هێرشێکی ئاسمانی ئێران.
هاوکات ماکرۆن رۆژی پێنجشەممە ئاشکرای کرد فەڕەنسا بۆ دابین کردنی ئاسایش و ئەمنی سعوودیا هێز ڕەوانەی ئەو وڵاتە دەکات .
ماکرۆن هەروەها دەڵیت لە چەند مانگی داهاتوودا پاپۆڕی فڕۆکە هەڵگری شارێل دوو گۆل لە ئاوەکانی رۆژهەڵاتی دەریای ناوەڕاست لەنگەر دەگرێت لە نزیک سنوورەکانی لوبنان و سووریا
