سه‌رۆکی هه‌رێمی کوردستان پرسەی خۆی ئاراستەی  بنەماڵەی یاوه‌ر نامیق ده‌کات

نێچیرڤان بارزانی سەرۆکی هەرێمی کوردستان رۆژی هەینی لە پێوەندییەکی تەلەفۆنیدا پرسەی خۆی ئاراستەی بنەماڵەی یاوەر نامیق دەکات و داوا لە خوای مەزن دەکات سەبووری دڵی کەس و کاری بدات .

لەو پێوەندییەدا لە گەڵ بورهان جاف  برای یاوەرنامیق ، سەرۆکی هەرێمی کوردستان ، هاوخەمی خۆی بۆ بنەماڵەی یاوەر نامیق دەردەبڕێت  و هاکات داوا دەکات خوالەیخۆش بێت و بەهەشتی بەرینی شاد بکات   .

بورهان جاف لە لایەن خۆیی و بنەماڵەوە سوپاسیان بۆ بە سەرکردنەوەی سەرۆکی هەرێمی کوردستان لەو کۆسپەدا دەردەبڕن  کە بۆتە  هۆی ئارامی و دڵگەرمی ئەوان .