ئه‌ڵمانیا چالاكیه سه‌ربازیه‌كانی بۆ مه‌شقكردن به پێشمه‌رگه ده‌ست پێكرده‌وه
لەدوای دەستپێکردنی شەڕی داعش، 90 راوێژكار و سەربازی ئەڵمانی، لە هەرێمی کوردستانن و بۆ راهێنان و بەرزکردنەوەی ئاستی سەربازی پێشمەرگە له هه‌رێمی كوردستان جێگیر بوون، به‌ڵام له چه‌ند مانگی رابردوو به‌هۆی نا ئارامی دۆخی عێراق و توند بوونی ململانێكانی نێوان ئه‌مریكا وئێران راوێژكارانی ئه‌ڵمانیا كاره‌كانیان راگرت، دوای دوو سێ هه‌فته له راگرتنی كاره‌كان جارێكی دیكه ده‌ستیان به كاره‌كانیان كرده‌وه.
ئه‌مڕۆ یه‌كشه‌ممه وەزارەتی بەرگری ئەڵمانیا، دەستپێکردنەوەی راهێنانەکانیان لەگەڵ پێشمەرگە لە هەرێمی کوردستان راگەیاند.
راگه‌یێندراوه‌كه‌ی وه‌زاره‌تی به‌رگری ئه‌ڵمانیا له كاتێكدایه كه کارەکانی لە ناوەڕاستی عێراق دەستپێنەکردووەتەوە و ئاماژه‌یی به‌كاتی ده‌ست پێكردنه‌وه‌ی چالاكیه‌كانیان نه‌كردووه له عێراق.
سەرەڕای بڕیاری پەرلەمانی عێراق، بە کشانەوەی سەرجەم هێزە بیانییەکان، هایکۆ ماس، وەزیری دەرەوەی ئەڵمانیا ڕایگەیاند، کە حکوومەتی عێراق دەیەوێت سوپای ئەڵمانیا لە کارەکانی لە عێراق بەردەوام بێت و بمێنێتەوە.
