فڕۆکەیەکی دیکە لە ئێران دوای ۱۰ دەقە فڕین لە ئاسمانی ئەو وڵاتە ئاگری گرت
تەلەفزیۆنی فەرمی ئێران ڕایگەیاند کە فڕۆکەیەکی ئێرانی، دوای فڕینی لە گەشتێکی ناوخۆیدا ئاگری گرت و بەناچاری نیشتەوە.
هەروەها میدیاکانی دیکەی ئێران رایانگەیاندووە کە فڕۆکەکە لە گەشتێکی نێوخۆی نێوان شاری جرجان و تارانی پایتەخت بە ئاسمانەوە گڕی گرتوووەو بەناچاری نیشتۆتەوە.
هەروەها ڕایانگەیاندووە کە لە کاتی نیشتنەوەی فڕۆکەکە دووکەلی زۆری لێ هەلساوەوە دەنگێکی گەورەی لێ بیستراوە، تا ئێستا زیانەکانی ئەو ڕووداوە بە فەرمی ڕانەگەیێندراوە، لەکاتێکدا میدیاکان ئاماژە بە هەبوونی قوربانی دەکەن لە ڕووداوەکە.
