ئیمارات یەکەم حاڵەتی تووش بوون بە پەتای کوڕۆنای تۆمار کرد
وەزارەتی تەندرووستی ئیمارات ئەمڕۆ چوار شەممە ڕایگەیاند حاڵەتێکی تووش بوون بە پەتای کوڕۆنای نـوێ لە نێو کەسانێكی هاتـوو لە شاری ئووهانی کۆماری چیـن دەستنیشان کرا و ئاماژەیان دا کە باری تەندرووستی کەسە تووش بووەکە جێگیرە و لە ژێـر چاودێری پزیشکی دایە.
لە بەیاننامەیەکی دا وەزارەتی تەندرووستی ئیمارات دووپاتی کردەوە کە بەهەماهەنگی لایەنی پەیوەندیدار و دەستە تەندرووستیەکان لە ووڵات هەموو ڕێوشوێنێکی پێویستیان گرتووتە بەر بۆ ڕێگری لە بوونی ئەم پەتایە و دڵنیاییان دا کە بارودۆخی گشتی جێ نیگەرانی نیە.
سەرچاوە : موازین نیوز
