سەرۆک بارزانی پێشوازی لە میخائیل بۆگدانۆڤ نوێنەری تایبەتی سەرۆکی رووسیا دەکات
ئەمڕۆ چوارشەممە سەرۆک بارزانی لە سەلاحەدین پێشوازی لە میخاییل بۆگدانۆڤ نوێنەری تایبەتی سەرۆكی رووسیا بۆ كاروباری رۆژهەڵاتی ناوەڕاست و ئەفریقا و جێگری وەزیری دەروەی رووسیا و شاندێكی یاوەری باڵای ئەو وڵاتە کرد
لەم کۆبوونەوەدا میخائیل بۆگدانۆڤ وێرای گەیاندنی سەڵاوی تایبەتی ڤلادمیر پۆتن بۆ سەرۆک بارزانی ، بەردەوامی پێوەندییەکانی نێوان هەرێمی کوردستان و رووسیای بە گرینگ وەسف کرد و گووتی پێوەندی میژووییمان دەرخەری ئەو ڕاستییەن ، لە بەرامبەردا سەرۆک بارزانی سوپاسی نوێنەری تایبەتی سەرۆکی رووسیای کرد و هاوڕابوونی خۆی بۆ بەردەوامی پێوەدییەکان دەربڕی .
سەرۆک بارزانی لە بەشێکی تری قسەکانیدا ئاماژەی بە ڕۆلی ئەرێنی حکومەتی رووسیا و کۆمپانیاکانی ئەو وڵاتە کرد کەلە رۆژە سەختەکاندا پاڵپشتی ئابووری هەرێمی کوردستانیان کردووە .
باسی کێشەکانی یاسایی گەلی کورد بە گشتی و کوردانی رۆژئاوایی بەشێکی تری کۆبوونەوەکەی بۆ تەرخان کرا و سەرۆک بارزانی ڕاوبۆچوونی خۆی لە رێگەی ئەم نوینەرایەتیەوە گەیا ندەوە سەرۆکی رووسیا و هیوای خواست بە لەبەرچاو گرتنی مێژووی ڕابردوو ، بۆ چارەسەری کێشەکان رووسیا هەنگاوی ئەرێنی بنێت .
لە کۆتاییدا ئاڵ و گۆڕەسیاسیەکانی ناوچەیی و جیهانی بە گشتی تاوتوێ کران و مەترسی سەرهەڵدانەوەی داعشیش تەوەرێکی تایبەتی کۆبوونەوەکە بوو .
