فه‌رمانده‌ی ئۆپه‌راسیۆنه‌كانی دیاله: به‌رده‌وامین له زانینی چاره‌نووسی 7 هاوڵاتی رفێندراو ئه‌مڕۆ له ئۆپراسیۆنێكدا 2 چه‌كداری داعشمان كوشتووه
دوای ئه‌وه‌ی ئه‌مڕۆ هێزه ئه‌منیه‌كانی عێراق ئۆپراسیۆنێ:ی له ناوچه‌ی دیاله بۆ راوه‌دوونانی تیرۆریستانی داعش ئه‌نجامدا، له میانه‌ی به‌ڕێوه‌چوونی ئۆپراسیۆنه‌كه توانراوه 2 چه‌كداری داعش بكوژرێن.
لیوا روكن عه‌سان عه‌زی فه‌رمانده‌ی ئۆپه‌راسیۆنه‌كانی دیاله له دوای ته‌واو بوونی ئۆپراسیۆنه‌كه‌یان له راگه‌یێندراوێكدا ئاماژه به‌وه ده‌كات هێزه ئه‌منیه‌كان له‌ماوه‌ی دو رۆژی رابردودا، چاودێری وردی ژماره‌یه‌ك چه‌كداری داعشیان كردوه كه په‌یوه‌ندیان به‌دواین كرده‌وه‌ی تیرۆرستی هه‌بوه كه تێیدا شه‌وی پێنجشه‌ممه‌ی رابردو له‌سنوری ناحیه‌ی قه‌ره‌ته‌په حه‌وت هاوڵاتیان رفاند.
فه‌رمانده‌ی ئۆپه‌راسیۆنه‌كانی دیاله هه‌روه‌ها راشیگه‌یاندووه:”به‌دواداچون و لێكۆڵینه‌وه‌ی ورد به‌رده‌وام ده‌بن بۆ دیاریكردنی چاره‌نوسی ئه‌و كه‌سانه‌ی كه رفێندراون، ئه‌مڕۆ دوو چه‌كدار كوژراون به‌ڵام ئه‌وه‌ی كرده‌وه‌ی رفاندنیان ئه‌نجامداوه له راستیدا 10 كه‌س بوونه تا ئێستا چاره‌نووسی 7 كه‌سیان شوێن بزركردووه.
