محەممەد تەوفیق عەلاوی ، پێش بڕیاری پێک هێنانی کابینەی نوێ پەیامێک ئاراستەی گەلانی ناو عێراق دەکات
وەک پێشتر بڵاومان کردبۆوە ، ئەمڕۆ بەرهەم ساڵح سەرۆک کۆماری عێراق ، بە شێوەیی فەرمی محەممەد تەوفیق عەلاوی بۆ پێکهێنانی کابینەی نوێی حکومەتی عێراق ڕاسپارد ، بەڵام تەوفیق عەلاوی پێش هەر کاردانەوەیەکی فەرمی پەیامێکی ڕاستەوخۆ ئاراستەی گەلانی ناو عێراق دەکات و دەڵێت ئەوە هەڵوێستی قوربانیدانی گەلی عێراق بوو بڕیاری کابینەی نوێی هێنا ئاراوە ، دەنا هیچ گۆڕانکارییەک لە عێراقدا رووی نەدەدا .
لە بەشێکی تری پەیامەکەیدا دەڵێت لە دوای ڕاسپاردنم لە لایەن سەرۆک کۆماری عێراقەوە بۆ پێک هێنانی کابینەی نوێی حکومەت ، پێم باشە لە پێشدا ڕاستەوخۆ لە گەڵ ئێوە قسەبکەم ، چوونکە ئەوە ئێوە بوون ڕەوتی ئاڵ و گۆڕتان هێنایە ئاراوە .
هەروەها دەڵێت داوا لە خۆپیشاندەران دەکەم لە خۆپیشاندانەکان بەردەوام بن ، من بە ئێوەوە دەتوانم سەرکەوتوو بم ، ئێوە جێگەی شانازین، خۆپیشاندان و ڕادەربڕین مافی خۆتانە و لە کەس سڵ مەکەنەوە ، دەبێت چەکی سوپا و پۆلیسی عێراقی تەنیا لە دژی نایاران بەرز بکرێتەوە نەک خۆپیشاندەران .
لە کۆتاییدا دەڵێت ، دڵنیاتان دەکەمەوە لێکۆڵینەوە بەردەوام دەبێت لە بکوژی خۆپیشاندەران و قەرەبووی بنەماڵەی شەهیدان دەکەینەوە ، وادەی هەڵبژاردنیش دیاری دەکەیین وشکۆتان بۆ دەگەڕێنینەوە
